बोरिवली शासकीय वसतिगृहात मागासवर्गीय नोकरी करणाऱ्या महिलांसाठी प्रवेश प्रक्रिया सुरू; २०२५-२६ वर्षासाठी अर्ज मागविण्यात आले
मुंबई : भारतरत्न डॉ. बाबासाहेब आंबेडकर यांच्या १२५ व्या जयंती वर्षानिमित्त, मागासवर्गीय नोकरी करणाऱ्या महिलांसाठी विशेष सुविधा म्हणून बोरिवली येथे शासकीय वसतिगृह सुरू करण्यात आले आहे. या वसतिगृहात सन २०२५-२६ या वर्षासाठी प्रवेश प्रक्रिया सुरू करण्यात आली असून, पात्र महिलांकडून अर्ज मागविण्यात आले आहेत.
या वसतिगृहात फक्त महाराष्ट्र राज्याच्या रहिवासी आणि अनुसूचित जाती, अनुसूचित जमाती, विमुक्त जाती, भटक्या जमाती, इतर मागास प्रवर्ग, विशेष मागास प्रवर्ग तसेच अनाथ या प्रवर्गातील महिलांनाच प्रवेश देण्यात येणार आहे. अर्जदार महिला ही नोकरी करणारी असावी आणि तिचे मासिक उत्पन्न ३०,००० रुपयांपेक्षा अधिक नसावे, अशी अट ठेवण्यात आली आहे.
अर्ज करण्यासाठी इच्छुक महिलांनी व्यवस्थापक, शासकीय वसतिगृह, बोरिवली यांच्याशी संपर्क साधावा. अधिक माहितीसाठी सहायक आयुक्त, समाज कल्याण, मुंबई उपनगर, प्रशासकीय इमारत, ४ था मजला, आर. सी. मार्ग, चेंबूर (पू.), मुंबई-७१ या कार्यालयाशी कार्यालयीन वेळेत संपर्क साधावा, असे आवाहन व्यवस्थापकांनी प्रसिद्धीपत्रकाद्वारे केले आहे.
ही योजना सामाजिक समावेश, स्त्री सक्षमीकरण आणि सुरक्षित निवास यासाठी एक महत्त्वपूर्ण पाऊल ठरणार आहे. इच्छुक महिला याचा लाभ घ्यावा.
