संकलित मूल्यमापन चाचणी २ (PAT ३) परीक्षा वेळापत्रक २०२६

समग्र शिक्षा प्रकल्पांतर्गत शैक्षणिक वर्ष २०२५-२६ मधील इयत्ता २ री ते ८ वी च्या विद्यार्थ्यांसाठी संकलित मूल्यमापन चाचणी – २ (PAT ३) चे आयोजन दिनांक ११, १५ आणि २२ एप्रिल २०२६ रोजी करण्यात आले आहे. राज्य शैक्षणिक संशोधन व प्रशिक्षण परिषद (SCERT), महाराष्ट्र, पुणे यांच्यामार्फत या चाचणीचे वेळापत्रक आणि मार्गदर्शक सूचना निर्गमित करण्यात आल्या आहेत.

संकलित मूल्यमापन चाचणी २ (PAT ३) वेळापत्रक २०२६ | PAT Exam Timetable

परीक्षेचे स्वरूप आणि विषय

• ही चाचणी प्रामुख्याने विद्यार्थ्यांची अध्ययन निष्पत्ती तपासण्यासाठी घेतली जाते.
• इयत्ता: इयत्ता २ री ते ८ वी मधील विद्यार्थ्यांसाठी ही चाचणी घेतली जाईल.
• विषय: प्रथम भाषा (सर्व माध्यमे), गणित (सर्व माध्यमे) आणि तृतीय भाषा (इंग्रजी) या तीन मुख्य विषयांसाठी ही चाचणी राज्य स्तरावरून आयोजित केली जाईल.
• माध्यम: सदर चाचणी एकूण दहा माध्यमांमध्ये घेतली जाणार आहे.
• इतर विषय: या तीन विषयां व्यतिरिक्त इतर सर्व विषयांच्या चाचणीपत्रिका शाळा स्तरावर इयत्तानिहाय व विषयनिहाय तयार करून परीक्षा घ्यावी.

इयत्ता २ री ते ८ वी: सविस्तर वेळापत्रक

खालील वेळापत्रकानुसार लेखी आणि तोंडी परीक्षांचे आयोजन करण्यात आले आहे.

(टीप: प्रथम भाषा, गणित व इंग्रजी या विषयांची तोंडी परीक्षा लेखी परीक्षेनंतर त्याच दिवशी वैयक्तिक स्वरुपात घ्यावी. विद्यार्थी संख्या जास्त असल्यास दुसऱ्या दिवशी घ्यावी.)

शाळा आणि शिक्षकांसाठी अत्यंत महत्त्वाच्या सूचना

• परीक्षेचे योग्य नियोजन आणि विद्यार्थ्यांच्या प्रगतीचे अचूक मूल्यमापन (विशेषतः चौथीसारख्या महत्त्वाच्या पायाभूत टप्प्यावर) करण्यासाठी SCERT ने काही कडक नियम लागू केले आहेत:
• प्रश्नपत्रिका पुरवठा: भाषा, गणित व इंग्रजी या विषयांच्या चाचणीपत्रिका राज्य स्तरावरून SCERT मार्फत विद्यार्थीनिहाय पुरविल्या जातील. मार्चच्या दुसऱ्या ते चौथ्या आठवड्यात या प्रश्नपत्रिका वितरित केल्या जातील.
• गुण नोंदणी (VSK Portal): संकलित चाचणी २ चे गुण तपासून ते विद्या समीक्षा केंद्र (VSK) च्या उपलब्ध पोर्टलवर/Chatboat वर नोंदवणे अनिवार्य आहे.
• तणावमुक्त परीक्षा: या चाचण्या १० वी किंवा १२ वी च्या बोर्ड परीक्षेप्रमाणे नाहीत, त्यामुळे विद्यार्थ्यांना अतिरिक्त ताण देऊ नये. गुणांच्या आधारे शिक्षकांवर कोणतीही शिस्तभंगाची कारवाई होणार नाही.

गैरप्रकारांवर कायदेशीर कारवाई: चाचणीपत्रिकांचे मोबाईलमधून फोटो काढणे, यूट्यूब चॅनेल (YouTube Channel) किंवा इतर समाजमाध्यमांवर पेपर लीक करणे हा कायदेशीर गुन्हा असून, असे प्रकार आढळल्यास संबंधित घटकांवर कडक प्रशासकीय व कायदेशीर कारवाई केली जाईल.

उत्तरसूची: परीक्षेच्या दिवशी संध्याकाळी www.maa.ac.in या वेबसाईटवर उत्तरसूची उपलब्ध करून दिली जाईल.

Loading...

Taking too long?

Reload document

| Open in new tab

विद्यार्थ्यांची अध्ययन प्रगती तपासण्यासाठी ही नियतकालिक मूल्यांकन चाचणी एक उत्तम साधन आहे. शिक्षकांनी प्राप्त झालेल्या गुणांच्या आधारे विद्यार्थ्यांसाठी पुढील कृतिकार्यक्रम तयार करावा. शिक्षण विभागाच्या अधिकृत अपडेट्स आणि शासन निर्णयांसाठी (GR) aapalathakare.in ला नियमित भेट द्या.