SCERT महाराष्ट्र: सन २०२६-२७ साठी सुधारित शालेय मूल्यमापन पद्धती जाहीर!
राज्य शैक्षणिक संशोधन व प्रशिक्षण परिषद (SCERT), महाराष्ट्र यांनी शैक्षणिक वर्ष २०२६-२७ साठी नवीन अभ्यासक्रमानुसार मूल्यमापन कार्यपद्धतीबाबतचे महत्त्वपूर्ण परिपत्रक नुकतेच जारी केले आहे. या परिपत्रकानुसार इयत्ता १ ली ते ८ वी च्या मूल्यमापनात काही महत्त्वपूर्ण बदल आणि स्पष्टीकरणे देण्यात आली आहेत.
या ब्लॉगपोस्टमध्ये आपण या सुधारित मूल्यमापन पद्धतीतील मुख्य बदल आणि वैशिष्ट्ये सविस्तर जाणून घेणार आहोत.
नवीन अभ्यासक्रम आणि मूल्यमापनातील मुख्य बदल
१. सातत्यपूर्ण सर्वंकष मूल्यमापन (CCE) कायम
इयत्ता १ ली ते ८ वी साठी सातत्यपूर्ण सर्वंकष मूल्यमापन (Continuous Comprehensive Evaluation – CCE) पद्धती पूर्वीप्रमाणेच लागू राहील. नवीन अभ्यासक्रमानुसार काही विषयांची नावे बदलली असली तरी, पूर्वीच्या विषयांना लागू असलेली आकारिक (Formative) व संकलित (Summative) मूल्यमापन पद्धती कायम ठेवण्यात आली आहे.
२. ‘कार्यानुभव’ आता ‘कार्यशिक्षण’
‘कार्यानुभव’ हा विषय आता इयत्ता ५ वी पर्यंत ‘कार्यशिक्षण’ (Work Education) या नावाने ओळखला जाणार आहे. या विषयासाठी पूर्वीप्रमाणेच १००% आकारिक मूल्यमापन लागू राहील.
३. इयत्ता ६ वी पासून ‘व्यावसायिक शिक्षण’ (Vocational Education)
नवीन अभ्यासक्रमानुसार इयत्ता ६ वी पासून व्यावसायिक शिक्षण हा नवीन विषय सुरू करण्यात आला आहे.
या विषयाचे १००% आकारिक मूल्यमापन केले जाईल.
ताज्या घडामोडी (Live Updates)
मूल्यमापन करताना प्रात्यक्षिक (Practical) साठी ७५% व लेखी (Written Test) चाचणीसाठी २५% असा भारांश निश्चित करण्यात आला आहे.
या विषयांतर्गत विद्यार्थ्यांना प्रकल्प (Projects) आणि उपक्रम पुस्तिका (Activity Book) पूर्ण करणे अनिवार्य आहे.
४. कलाशिक्षण मूल्यमापन (Art Education Evaluation)
कलाशिक्षण विषयाच्या मूल्यमापनात आता प्रत्यक्ष कृतीवर अधिक भर देण्यात आला आहे. या विषयाचे मूल्यांकन करताना प्रात्यक्षिकातंर्गत ‘सादरीकरण’ (Presentation) आणि ‘लेखी चाचणी’ (Written Test) या साधनांचा वापर करणे अनिवार्य करण्यात आले आहे.
५. समग्र प्रगती पत्रक (Holistic Progress Card – HPC)
नवीन शैक्षणिक धोरणानुसार समग्र प्रगती पत्रक (HPC) हा CCE चाच एक भाग आहे. सद्यस्थितीत राज्यातील काही निवडक शाळांमध्ये पथदर्शी (Pilot) स्वरूपात याची अंमलबजावणी सुरू आहे. सर्व शाळांसाठी HPC च्या सार्वत्रिक अंमलबजावणीबाबत यथावकाश स्वतंत्र सूचना देण्यात येतील.
सन २०२६-२७ पासून लागू होणाऱ्या या नवीन मूल्यमापन पद्धतीमुळे विद्यार्थ्यांच्या प्रात्यक्षिक ज्ञानाला आणि कौशल्यांना अधिक महत्त्व प्राप्त होणार आहे. शिक्षकांना या नवीन मार्गदर्शक सूचनांनुसार आपल्या वर्गाचे आणि वार्षिक मूल्यमापनाचे अचूक नियोजन करावे लागेल.
ही अत्यंत महत्त्वाची माहिती आपल्या सहकारी शिक्षकांसोबत आणि मुख्याध्यापकांसोबत नक्की शेअर करा!
