SQAAF स्वयं मूल्यांकन २०२५-२६: App माहिती आणि नोंदणी प्रक्रिया

राज्य शैक्षणिक संशोधन व प्रशिक्षण परिषद, महाराष्ट्र (SCERT) द्वारे शाळा गुणवत्ता मूल्यांकन आणि आश्वासन आराखडा (SQAAF) अंतर्गत २०२५-२६ या वर्षासाठी स्वयं-मूल्यांकन प्रक्रिया जाहीर करण्यात आली आहे. या प्रक्रियेअंतर्गत राज्यातील सर्व माध्यमांच्या आणि सर्व व्यवस्थापनाच्या शाळांना त्यांचे मूल्यांकन करणे अनिवार्य आहे. SQAAF ॲपद्वारे शाळेची माहिती, पुरावे आणि कागदपत्रे ऑनलाईन सादर करण्याची प्रक्रिया सुरू करण्यात आली आहे.

SQAAF स्वयं मूल्यांकन २०२५-२६ वेळापत्रक

• नोंदणी सुरू होण्याची तारीख: १६ मार्च २०२६.
• अंतिम मुदत: १५ एप्रिल २०२६ रोजी सायंकाळी ६:०० वाजेपर्यंत.

SQAAF – Maharashtra App मध्ये माहिती भरण्याची स्टेप-बाय-स्टेप प्रक्रिया

शाळांना त्यांचे स्वयं-मूल्यांकन ऑनलाईन ॲपद्वारे पूर्ण करावयाचे आहे. त्यासाठी खालील प्रक्रिया अवलंबावी:

१. ॲप डाऊनलोड: सर्वप्रथम SCERT च्या www.maa.ac.in या वेबसाईटवरून किंवा Google Play Store वरून “SQAAF – Maharashtra” हे ॲप डाऊनलोड करून घ्यावे.

२. लॉगीन तपशील: ॲप ओपन केल्यानंतर शाळेचा UDISE नंबर टाका आणि ‘पुढे जा’ वर क्लिक करा.

३. ई-मेल आणि मोबाईल: नवीन विंडोवर UDISE+ मध्ये नोंदवलेला शाळेचा ई-मेल आयडी आणि मुख्याध्यापकांचा १० अंकी मोबाईल नंबर प्रविष्ट करा.

४. पासवर्ड: शाळेच्या नोंदणीकृत ई-मेलवर (Inbox किंवा Spam box मध्ये) प्राप्त झालेला पासवर्ड टाकून लॉगीन करा. ५. माहिती भरणे: लॉगीन झाल्यानंतर ‘स्वयं मूल्यांकन सुरु करा’ या टॅबवर क्लिक करा.

६. मानके (Standards): यामध्ये एकूण १२८ मानके आहेत. शाळेला लागू होणाऱ्या प्रत्येक मानकावरील वर्णन विधानावर क्लिक करून माहिती द्यावी.

SQAAF – Maharashtra App Video

गुगल ड्राईव्ह लिंक (Google Drive Link) कशी तयार करावी आणि जोडावी?

मूल्यांकनासाठी केवळ माहिती भरणे पुरेसे नाही, तर प्रत्यक्षदर्शी आणि वस्तुनिष्ठ पुरावे सादर करणे आवश्यक आहे.

• पीडीएफ निर्मिती: प्रत्येक मानकासाठी निश्चित केलेले दस्तऐवज किंवा कागदपत्रे यांची एक स्वतंत्र पीडीएफ फाईल तयार करा आणि तिला मानक क्रमांक द्या.
• गुगल ड्राईव्ह अपलोड: शाळेच्या ई-मेल आयडीच्या गुगल ड्राईव्हवर या पीडीएफ फाईल्स अपलोड करा.
• लिंक सेटिंग्ज: फाईल शेअर करताना सेटिंग्जमध्ये जाऊन “Anyone with the link” (लिंक असलेल्या कोणालाही) हा पर्याय निवडा जेणेकरून फाईल बघता येईल.
• लिंक पेस्ट करणे: SQAAF ॲपमध्ये संबंधित मानकावर क्लिक केल्यानंतर “PASTE PROOF” या टॅबमध्ये कॉपी केलेली लिंक पेस्ट करा आणि “SUBMIT” बटणावर क्लिक करा.
• महत्त्वाची सूचना: स्वयं-मूल्यांकन अंतिम केल्यानंतर गुगल ड्राईव्हवरील फाईल डिलीट करू नये किंवा बदलू नये, अन्यथा मूल्यांकनात अडथळा येऊ शकतो.

SQAAF मूल्यांकन श्रेणी आणि गुण (Grading System)

स्वयं-मुल्यांकन पूर्ण झाल्यानंतर, एकूण गुणांपैकी प्राप्त गुणांवर आधारित संबंधित शाळेची श्रेणी खालीलप्रमाणे निश्चित करण्यात येईल:

पासवर्ड न मिळाल्यास किंवा लॉगीन अडचणी आल्यास काय करावे?

जर मुख्याध्यापकांना पासवर्ड प्राप्त झाला नसेल, तर त्यांनी सर्वप्रथम केंद्रप्रमुखांशी संपर्क साधावा. जर मुख्याध्यापक बदलीने किंवा इतर कारणाने बदलले असतील, तर सध्या कार्यरत मुख्याध्यापकांनी आवश्यक माहिती (UDISE+, जुने आणि नवीन मुख्याध्यापकांचे तपशील) लेखी अर्जासह केंद्रप्रमुखांकडे सादर करावी. ही माहिती गटशिक्षणाधिकारी आणि शिक्षणाधिकारी यांच्यामार्फत SCERT कडे इंग्रजीमध्ये एक्सेल फॉरमॅटमध्ये पाठवली जाते.

SQAAF स्वयं मूल्यांकन २०२५-२६: शाळा गुणवत्ता मूल्यांकन आणि आश्वासन आराखडा

Loading...

Taking too long?

Reload document

| Open in new tab

नेहमी विचारले जाणारे प्रश्न (FAQs)

1. SQAAF स्वयं मूल्यांकनाची अंतिम मुदत कोणती आहे? A. SQAAF स्वयं-मूल्यांकनाची लिंक १५ एप्रिल २०२६ रोजी सायंकाळी ६:०० वाजेपर्यंत सुरू राहील.
2. ॲपमध्ये एकूण किती मानके (Standards) भरणे अनिवार्य आहे? A. SQAAF अंतर्गत एकूण १२८ मानके आहेत. सर्व मानकांचा प्रतिसाद नोंदवणे बंधनकारक आहे.
3. शाळेला एखादे मानक लागू नसल्यास काय करावे? A. शाळेला एखादे मानक लागू नसल्यास वर्णन विधानाच्या खाली दिलेल्या “लागू नाही” या पर्यायावर क्लिक करावे, यासाठी कोणतीही फाईल लिंक पेस्ट करण्याची गरज नाही.
4. फायनल सबमिशन केल्यानंतर गुगल ड्राईव्हमधील फाईल डिलीट करता येईल का? A. नाही. अंतिम सबमिशन केल्यानंतर फाईल डिलीट किंवा बदल करू नये; यामुळे त्रयस्थ मुल्यांकनात अडथळा येऊ शकतो.
5. स्वयं-मूल्यांकन पूर्ण झाल्याचे कसे समजेल? A. सर्व मानकांचा प्रतिसाद नोंदवल्यानंतर “स्वयं मूल्यांकन अंतिम करा” टॅब ओपन होईल. हमीपत्रावर क्लिक करून सबमिट केल्यानंतर प्रमाणपत्र डाऊनलोड करता येईल.

SQAAF स्वयं मूल्यांकन २०२५-२६: App माहिती आणि नोंदणी प्रक्रिया, SQAAF self assessment 2025-26, SQAAF app login, Maharashtra school evaluation, SCERT SQAAF updates, SQAAF Maharashtra, शाळा गुणवत्ता मूल्यांकन 2026, UDISE login SQAAF, SQAAF link, education department GR updates