AISSEE 2025 चा निकाल जाहीर – सैनिक स्कूल प्रवेशासाठी पुढील टप्प्यांची माहिती
राष्ट्रीय चाचणी एजन्सी (NTA) मार्फत घेतलेल्या ऑल इंडिया सैनिक स्कूल प्रवेश परीक्षा (AISSEE) 2025 चा (AISSEE 2025 Result) निकाल २२ मे २०२५ रोजी जाहीर करण्यात आला आहे. सैनिक स्कूलमध्ये इयत्ता ६वी आणि ९वीसाठी प्रवेश घेणाऱ्या विद्यार्थ्यांसाठी ही परीक्षा ५ एप्रिल २०२५ रोजी पार पडली होती. देशभरातील १९० शहरांमध्ये ५२७ केंद्रांवर ही लेखी परीक्षा घेण्यात आली होती.
✅ निकाल कुठे पाहावा?
विद्यार्थ्यांना आपला निकाल (AISSEE 2025 Result) खालील लिंकवर पाहता येईल:
🔗 https://exams.nta.ac.in/AISSEE/
निकाल पाहण्यासाठी अर्ज क्रमांक आणि जन्मतारीख आवश्यक आहे. निकाल डाउनलोड व प्रिंटही करता येईल.
📌 पुढील टप्पा – कागदपत्र पडताळणी व समुपदेशन
पात्र उमेदवारांना कागदपत्रांची पडताळणी व समुपदेशनासाठी बोलावले जाईल. प्रवेश प्रक्रियेच्या पुढील टप्प्यांमध्ये पात्रता निकष, स्वयंघोषणा व इतर आवश्यक कागदपत्रे तपासली जातील.
LIST OF CANDIDATES WHO QUALIFIED or NOT QUALIFIED AISSEE 2025 EXAM HELD ON 05.04.2025 FOR ADMISSION TO CLASS VI (ACADEMIC YEAR 2025-26)
🖥️ प्रवेश प्रक्रिया ऑनलाइन
सर्व सैनिक स्कूल व नवे सैनिक स्कूल यामधील प्रवेश प्रक्रिया सैनिक स्कूल सोसायटीमार्फत ‘ई-समुपदेशन’ (e-Counselling) पद्धतीने राबवली जाईल.
📧 शंका असल्यास संपर्क करा
प्रवेश प्रक्रियेबाबत काही शंका असल्यास पुढील ई-मेल आयडीवर संपर्क साधता येईल:
✉️ admission.sss@gov.in
📝 महत्वाच्या नोंदी:
सीट आरक्षण संदर्भात याचिका प्रलंबित:
सैनिक स्कूलमधील जागांचे आरक्षण हे मदुराई खंडपीठात प्रलंबित असलेल्या दोन याचिकांवर (26623/2024 व 22585/2024) अवलंबून राहील.तेलंगणा राज्यातील विद्यार्थ्यांसाठी विशेष सूचना:
शैक्षणिक वर्ष २०२५-२६ पासून तेलंगणा राज्याचे रहिवासी विद्यार्थी आंध्र प्रदेशातील सैनिक स्कूल कलिकिरी व कोरुकोंडा मध्ये ‘होम स्टेट’ कोट्यात (६७%) पात्र ठरणार नाहीत. मात्र, हे विद्यार्थी ‘इतर राज्य’ कोट्यातील (३३%) जागांसाठी पात्र असतील.
